60ko hamarraldi erdialdean sartu zen enologiaren munduan; garai hartan, oso upategi gutxik zuten Espainian kalitatezko ardoa ekoizteko bokazioa. Madrileko Escuela de la Vid y el Vino ikastegian egin zituen ikasketak, eta 1968an ekoiztu zuen bere lehenengo uzta, Vega Sicilian. 1998ra arte, upategi horretako zuzendari tekniko lan egin zuen. 

Mauro Upategien aholkularia izan zen 1980an sortu zirenetik eta, negozio horren zuzendaritza bere gain hartu zuenetik, etapa berri bati ekin zion, proiektu berriak bi maxima nagusirekin zuzenduz: kalitatea eta nazioarteko proiekzioa.

1994an, Toro eskualdeko mahatsekin mikro ardogintzako proiektuak gauzatzen hasi zen; ondo ezagutzen du eskualde hori Garcíak eta garai hartan dagoeneko etorkizun handia zuela iragarri zuen. 1999az geroztik, Ribera del Dueroko proiektu berri anbiziotsu bateko bazkide eta zuzendari teknikoa da: Bodegas Aalto.

Gaur egun, bere familia-upategiak finkatzea da Garcíaren ardura nagusia: Mauro, Tudela de Dueron, eta San Román, Toron; baita familia-proiektu berria abian jartzea ere, Garmón Continental, Ribera del Dueroren baitan; Valeyo, Bierzo eskualdean, eta Baynos Arabako Errioxan.