Lera Luis Irizarren Eskolan trebatu zen, Donostian, eta maisu handiak izan zituen, Arzak, Hilario Arbelaitz eta Abraham García kasu. Espainiako hainbat jatetxe ezagunetan zehar etapa bat egin ondoren, berea ireki zuen Toron (Zamora), eta nolabaiteko entzutea lortu zuen; 2008an, berriz, familiaren negozioaren ardura hartu zuen Castroverden, eta eraldaketa garrantzitsua egiteari ekin zion.   

2015ean, Lera Jatetxea eta Hotela gaur egun dagoen lekuan inauguratu zuen, eta handik bi urtera, Repsol Gidaren bi Eguzki jaso zituen, bai eta Gaztela eta Leonho Gastronomiaren Akademiaren 2017ko jatetxe onenaren saria ere.  Urtebete geroago, 2018an, Gaztela eta Leongo Irrati Telebistak ematen duen Gaztela eta Leongo sukaldari onenaren saria jaso du. Sari-sorta horrekin jarraituz, 2021ean jaso zuen Michelin izarra, eta izar berdea, ingurunearekiko eta jasangarritasunarekiko duen konpromisoa saritzeko.   

Tradizioaren eta lurraldearekiko atxikimenduaren aldeko apustua egiten du Leraren sukaldaritza-diskurtsoak, eta eskualdeko produktuak eta ehiza-errezetak defendatzen ditu; produktu horien artean dago Tierra de Camposeko usakumea. Ehiza-errezetei dagokienez, sukaldaritza zinegetikoaren Estatuko erreferentea da Lera jatetxea.